In hierdie fakulteit bestudeer ons nie net die hofverslae nie.  Ons rus u toe met die kritiese ingesteldheid wat vir die regspleging benodig word.  Van LL.B. tot LL.D., tot voortgesette regsopleiding tot nagraadse studies in finansiële beplanningsreg – in ons fakulteit sal u al die toerusting vind wat nodig is om u na sukses in die hoogs gespesialiseerde regswêreld te lei.  As u die visie het, ons het die programme om u 'n glans toekoms te verseker.

Hierdie fakulteit bied 'n reeks regsgrade aan, ook binne 'n verskeidenheid van sentrums en eenhede, waardeur u die bevoegdheid kan bekom om as 'n regsprofessionele praktisyn te kan optree.

• as verantwoordelike burger deel te neem in plaaslike, nasionale en wêreldwye gemeenskappe;
• as regspraktisyn sensitief te wees vir kulturele- en etniese diversiteit in die gemeenskap;
• opvoedkunde en loopbaanmoontlikhede te verken en entrepreneuriese vaardighede te ontwikkel.

Die suksesvolle regstudent sal spesifiek in staat wees om:

•  regsprobleme te identifiseer en op te los deur krities en skeppend te dink;
• persoonlike en professionele aktiwiteite op verantwoordelike etiese en effektiewe wyse te benader en te bestuur;
• effektiewe regsnavorsing te doen deur die insameling, analisering en kritiese evaluering van inligting;
• effektief skriftelik en mondeling te kommunikeer;
• effektief mee te werk met ander in die samelewing;
• tegnologie effektief en verantwoordelik te gebruik tot voordeel van die gemeenskap as geheel;
• die reg as ‘n komponent van ‘n stelsel van interafhanklike sisteme te sien binne die gemeenskap waarbinne probleemoplossing nie in isolasie kan geskied nie.

Met 'n regsgraad kan u die loopbaan van u drome uitkies.  Studies met die oog op 'n LL.B.-graad beteken nie noodwendig dat u 'n prokureur of 'n advokaat moet word nie.  Met gespesialiseerde kennis kan regsgegradueerdes in 'n wye verskeidenheid van professies suksesvolle loopbane hê - as regspraktisyns, regsadviseurs, arbeidskonsultante, menslike hulpbronbestuurders, openbare vervolgers, landdroste, versekerings- en bank-bestuurders, diplomate en akademici. 

Die fakulteit streef met uitnemende onderrig en opleiding daarna om hoogs bekwame kandidate, wat toegerus is met internasionaal erkende kwalifikasies, aan die professies en die gemeenskap  te lewer.

Bestudeer die LL.B. en/of B.Com. LL.B. graadrigtings aan die Fakulteit Regsgeleerdheid van die Universiteit van die Vrystaat (Bloemfontein) en bekwaam uself om `n regspraktisyn te word in die onderstaande beroepsvelde:

Openbare Sektor Regsadviseurs	Private Sektor Regsadviseurs	Regsprekende Beamptes
Ø       Nasionale vlak van Regering Staatsregsadviseurs in elke Departement - Nasionale Verdedigingsmag Polisiedienste Korrektiewe Dienste Landbou en Grondsake Justisie Ekonomiese Sake Inkomstebelastingdiens Omgewingsake Binnelandse Sake Buitelandse Sake (Internasionalereg) Handel en Nywerheid Arbeid Nasionale Onderwys Vervoer, Paaie, Skeepvaart, & Lugvaart Doeane en Aksyns Staatsprokureurs en Vervolgingsgesag Gesondheid en Maatskaplike Dienste Uitsaaiwese Ø       Provinsiale regeringsvlak Elke Departement het `n regsafdeling met regsadviseurs   Ø       Plaaslike Owerheidsvlak Streekvlak Regsadviseurs Stadsregsadviseurs Munisipale Regsadviseurs	Openbare en Privaat Maatskappye Bankwese Versekeringsbedryf Sake & Fabriek sektore Universiteite en Kolleges Eiendomsbedryf & Boedelbeplanners Sport Liggame & Organisasies Vakbonde Arbiters en Bemiddelaars Kerkregtelike Adviseurs Internet (Kuberreg) regsadviseurs Doserende personeel aan Universiteite	Landdroshowe Streekshowe Hooggeregshowe Verbruikershowe Inkomstebelastinghof Appèlhof Konstitusionele Hof Hof vir Klein Sake Arbeidshof Militêre Hof Admiraliteitshof   Hofbestuurders en Meesters van die Hof
	Prokureurs en Advokate
	Patente en Handelsmerke prokureurs Egskeidingsprokureurs Kommersiële prokureurs Arbeidsreg prokureurs Notarisse & Akteuitmakers Forensiese prokureurs Medies-Geregtelike prokureurs Insolvensie Likwidateurs en Kuratore Water- en Mineraleregte prokureurs

Regsklerke vir Grondwethof-regters